國米定勝“天”

國米定勝“天”

國際米蘭在歐霸盃F組兩戰全勝，暫列榜首，多第二位聖伊天四分。明晨主場迎戰呢支法甲二流分子，祇要擊退對手，基本上已穩奪出線權。以雙方人腳實力比較，國米無疑稍高一籌，贏波應該問題不大。

聖伊天雖然在法甲排前列位置，但講到要爭標，有排都未輪到。始終球隊平均戰力高不成低不就，與國米比較可能還差一班波，仲要作客可容納超過八萬大軍球迷嘅梅亞沙球場，睇怕聖伊天難逃劫數。初盤國際米蘭讓半球／一球，捧硬國米不“聖”無歸。

國米近期狀態認真麻麻，近四戰只得一勝一和兩負，表現較飄忽。不過上場對住拿坡里，發揮完全對辦，全場廿二次攻門，惜稍為欠缺運氣未能擊敗對手，祇要今仗能夠踢出同樣水準，取勝機會相當高。

聖伊天同樣戰績不濟，近五場比賽只得一場勝仗，仲係險勝下游球隊羅連安特。陣中最有威脅嘅首席射手艾丁因傷缺陣，影響相當大。要在國米身上偷雞搶一分，亦難以如願。

推介：國際米蘭3:0