祖記上盤「高」票當選

祖記上盤「高」票當選
 
歐聯A組今晚兩場波戲碼唔算強，其中祖記作客奧林比亞高斯比賽，斑馬兵團可睇高一線；佢哋今季踢咁多場波都係得一敗，而球隊更擁有作客希臘4戰得2勝2和極佳數據，陣容上泰維斯、保羅普巴、派路以及保方等主力亦全數可以候命，少讓平半合理。奧林比亞高斯分組首輪主場贏馬體會，威力好似幾強，但要注意馬體會嗰陣時其實陷於低潮，任何球隊對住佢哋都有計，呢場波唔好計得太重要；再講，奧軍今晚有主場防中兼希臘國腳文奴拿斯停賽，益晒祖記啦。（周三12，有線63台周四2:45am直播）

同組馬體會主場鬥馬模。後者首輪作客祖記完全唔夠砌，日前聯賽又主場輸埋俾艾夫斯堡，證明遇上強隊冇優勢；至於馬體會已完全反底，近戰主場贏祖記同愛斯賓奴都清風送爽，該讓得起兩球。（周三11，香港時間周四2:45am開賽）