羅馬下盤「仁」者無敵

羅馬下盤「仁」者無敵
 
周中兩晚歐聯大戰唔算多，除利物浦對皇馬外，最五五波肯定係呢場羅馬對拜仁；羅馬喺歐聯加本土賽事只曾輸過俾祖雲達斯，拜仁則保持全部比賽不敗，當然逐個秤拜仁會高多少，但羅馬擁主場之利可以抵消，加上哥迪奧拿喺歐聯作客多數會打得保守，呢場幾有機會出現和局，買受讓半一嘅羅馬最抵。（周二3，有線61及201台周三2:45am直播）

首先陰謀啲咁睇，E組係死亡之組，拜仁為出線會比較小心，現時佢哋手執6分之下，作客同組暫列第2嘅羅馬，其實攞1分已相當足夠，到11月頭次回合主客互調，一贏已九成九出線，相對羅馬都一樣，因為佢哋已經作客迫和曼城，主場對曼城保不敗亦好大機會出線，所以話呢場客觀條件已好大機會構成和局。
拜仁上場聯賽大炒雲達6:0，印證咗哥帥今季引入沙比阿朗素決定非常正確，因為拿姆本來就有極強引球推進及射門才能，現時將部分防守任務交予阿朗素即解放進攻能力，上場對雲達梅開二度為職業生涯首次，加上馬里奧葛斯充當「假九號」位置非常稱職，除非拜仁自己唔想入波，否則一圍攻起嚟效率非同小可。
問題係，哥帥領軍嘅拜仁一向都有啲保守，本季度兩場歐聯都只係小勝1:0，3場聯賽加上1場歐聯嘅作客賽事，最多一場都只係贏2:0，反映哥帥作客一向打得比較謹慎，除非真係輸緊，否則都未必會強攻羅馬。

史杜特文強勢復出

羅馬近戰只曾不敵祖雲達斯，上輪歐聯話就話迫和曼城，但明眼人都知羅馬贏唔到只係唔夠運，而今場羅馬連重傷嘅史杜特文都可候命，加上托迪、迪斯度、謝雲奴都處佳態，的確唔需要擔心今場搵唔到入球；要留意羅馬今季所有主場賽事仍保持全勝，呢場其實真係有可能一舉贏埋拜仁，所以投注上既然羅馬受讓半一，就穩陣小小買下盤唔博和局啦！