車路士讓主「博」得過

車路士讓主「博」得過
 
車路士勁到冇人勒得住，今晚喺歐聯G組主場迎戰馬里博爾，相信會係大開殺戒嘅場合，因為兩軍實力差天共地，所以足智彩開讓球主客和，藍戰士讓兩球濕濕碎，「讓主」梗係「博」得過。（周二6，有線64及203台周三2:45am直播）

今季開咧後繼續保持不敗嘅車路士，上場英超以2:1力克水晶宮，單計連勝走勢都去到第5場，雖然迪亞高哥斯達已經事先張揚肯定缺陣，但藍戰士改由雷米攻堅都冇問題，因為佢都係法國國腳，級數唔需要懷疑，加上奧斯卡杜斯山度士、法比加斯同埋尼曼查馬迪呢班中場球星全部可列陣，喺史丹福橋出擊簡直係氣勢如虹。馬里博爾上場本土聯賽爆冷輸波，雖然佢哋喺歐聯G組兩戰全和不敗，但係計實力始終唔係車路士嗰皮，呢支斯洛文尼亞球隊好難頂得住，車路士讓兩球有1.88倍回報，「讓主」值「博」！

史浩克回勇贏得

同組史浩克04喺主場對士砵亭亦都值得睇好，事關史浩克已經改由歐聯冠軍教頭迪馬堤奧接手，士氣好左好多，上周德甲輕取哈化柏林就係好例子，預料士砵亭會做祭品，足智彩開讓球盤，史浩克少讓平手、半球冇難度，買上盤唔使諗。（周二7，有線63台周三2:45am直播）