阿仙奴補時入波迫和侯城

阿仙奴補時入波迫和侯城
 
英超阿仙奴又失分！星期六晚英超有多支名牌球隊出場，當中曼城、車路士都成功攞3分，唯一失分球隊係「兵工廠」阿仙奴，佢哋主場僅憑韋碧克完場前入波，以2:2迫和侯城。

曼城頭場4:1大破熱刺，之後出場車路士作客2:0贏咗水晶宮，但偏偏同時間出場阿仙奴主場出擊都贏唔到，球隊13分鐘就由阿歷斯山齊士開紀錄，但侯城17同46分鐘由迪亞美同艾保靴南迪斯建功反勝2:1，落後嘅阿仙奴面對「老虎兵團」鐵桶陣一直苦無對策，最終僅憑韋碧克90分鐘接應山齊士助攻追平，只能勉強保住1分。
星期六晚仲有幾場英超進行，其中最令人意外都係修咸頓，佢哋主場8:0狂數新特蘭；升班馬般尼就繼續魚腩級表現，主場1:3輸咗俾韋斯咸；紐卡素同日打開聯賽勝利之門，球隊主場憑奧巴坦一箭定江山，小勝李斯特城1:0首次攞3分；最後愛華頓今周亦贏波，主場面對阿士東維拉輕鬆以3:0取勝。