森多利亞下盤有「里」 香港有香港亂，歐美有歐美亂，先有中東位置打緊仗，非洲又伊波拉，其實2014年都真係非常動蕩，所以千其唔好以個球壇可以獨善其身，只要南歐等國家開始受到影響，隨時啲聯賽打打吓都要停，或者賽期亂晒，球迷睇波之餘都真係要關注吓個世界。 如果伊波拉等影響歐洲，最近而首當其衝嘅唔係土耳其就係意大利，呢幾個國家，尤其班球員真係要多加小心；講開意大利，原來唔覺唔覺今季又有異軍，森多利亞今季6戰不敗，雖然未對過強隊，但前線打起新星加比亞甸尼肯定係大收鑊，呢個90後前鋒今季已經入咗3球，咁入法睇嚟1月留唔住，而呢周森多利亞作客卡利亞里，主隊開季僅贏一場狀態天差地別，森多竟然咁都受讓，受讓平半點可以唔買。（周日30，無綫網絡電視302頻道周一9:00pm直播）