維羅納開大冇「蘭」度 佔中同足球本來毫無瓜葛，但某某議員引用利物浦會歌讚揚警察，表面上係冇腦，實際上係同社會脫節嘅表現，事實上佢只要好簡單咁上網，Google吓首歌來龍去脈，笑話就唔會出現，但佢冇做呢個步驟，係懶定從來冇吸取網上知識習慣，答案大家自行判斷，但呢一宗事例已證明，大部份上一代香港人嘅價值觀，同新一代差野之大唔係年齡可量度。 一代新人勝舊人，呢個道理放喺足球永遠都啱，睇吓AC米蘭就係最佳樣辦，早年佢哋不斷簽入老將，到今季銳意年輕化，連教頭都係40出頭嘅恩沙基，打落真係見番活力，今季佢哋除輸1場俾祖雲達斯外不敗，前場有足夠火力，呢周作客維羅納都有贏波機會，當然維羅納近況唔差亦唔會死守，呢場捧入球大其實更抵。（周日32，無綫網絡電視301頻道周日9:00pm直播）