紅軍讓客「士」日精選

紅軍讓客「士」日精選
 
敗仗連連嘅昆士柏流浪，今晚英超雖然喺主場出擊，奈何球隊真係積弱太久，而且對手利物浦矢志要搶3分重上爭標行列，兼要為歐聯壯行色，是役確實不勝無歸，可試2.38倍「讓客」。（周日22，now621台周日8:30pm直播）

昆士柏流浪近4場英超不勝，當中錄得1和3負劣績，包括慘負曼聯0:4、1:2不敵修咸頓，同埋0:2輸俾韋斯咸，另外同史篤城踢成2:2，每場波最少失兩球，難怪季初已經有球迷喺社交網絡留言，叫昆士柏搵個好中堅，唔應該簽里奧費迪南，而後者又唔忿氣，竟然公開反擊話留言球迷個阿媽係妓女，嚟緊仲要俾足總罰，球隊已經積弱，仲搞埋咁多濕滯嘢做乜鬼吖。
傷兵方面，呢支榜尾球隊有佐頓梅治、祖爾巴頓同埋艾真度科連肯定唔踢得，而領隊哈利列納嘅愛將卡蘭積卡就報稱有輕傷，可能要通過最後體測先知上陣機會，若然呢位克羅地亞國腳都倦勤，今季踢7場入得4球嘅昆士柏更危。

昆士柏中場線傷兵滿營

利物浦早前經歷咗4場不勝嘅低潮，好在國際賽檔期前終於反底，以2:1擊敗西布朗，一對中場拉爾拉拿同埋佐敦軒達臣愈踢愈好，令到隊長謝拉特嘅負擔冇咁重，雖然史杜列治據報一傷再傷，可能要唞多一個月，但由於史達寧冇幫英格蘭踢晒兩場國際賽，加上巴洛迪利未被意大利徵召，變相多咗時間休養生息，對紅軍嚟講絕對係一件好事。

史杜列治再傷唞多一個月

其實紅軍近6次造訪昆士柏流浪有4勝2負佳績，最近一次係2012年嘅除夕，當時利物浦大勝3:0，而目前嘅昆士柏似乎更弱不襟風，想搶分脫離榜尾冇咁容易，足智彩開讓球主客和，捧利物浦2.38倍「讓客」係唔錯嘅選擇。