昆士柏搏命謀“利”

昆士柏搏命謀“利”

今季重返英超嘅昆士柏流浪打咗七輪比賽後，依然緊守崗位，排在榜尾位置，降班威脅越嚟越沉重，咁搞法，教頭“老納”遲早要下崗。事到如今，球隊場場波都要搏命搶分，今晚主場迎戰紅軍利物浦，“老納”經已別無選擇，實行對抗到底展開清場大行動。

經過四場不勝後，紅軍上場終於重拾勝果，主場險勝西布朗。不過，球員狀態都屬一般，雖然今仗對住包尾球隊，但考慮到周中歐冠盃要火併皇家馬德里，難免會分心，今晚一戰實在毫無必勝把握。紅軍連埋歐冠盃，開季踢咗四場作客，當中有三場落敗，主客場發揮的確有差別，球隊目前鋒力受到限制，史杜列治有傷唔睇得，“巴神”在英超仲未開齋，只靠二流射手林拔。初盤利物浦讓一球，紅軍讓波信唔過，不妨直博昆士柏流浪有“利”可圖。

七戰只得一勝一和五負，昆士柏流浪戰績的確差到痹，不過其中四場輸波都係打作客，主場就一勝一和一負，又並非想像中差到冇朋友，只要在自己地頭踢出加一波，打出拼勁，冇話輸硬。

推介：昆士柏流浪1:0