史浩克「柏」板開上盤 上個星期國際賽周連環爆冷，先係西班牙輸波，繼而德國先負波蘭再和愛爾蘭，連荷蘭都不敵冰島。咁多隊當中德國肯定最麻煩，拿姆一走、舒韋恩史迪加長傷，中場交俾卻奧斯及卡拉馬完全失去控制力，只係睇吓對愛爾蘭一戰，領先1球下，勒夫想球隊猜到完場，但中場瘋狂斷波，最後補時被追平只可以講疚由自取，現時情況德國係好有可能出唔到線，勒夫好快啲叫拿姆出山救亡。 當然德國都唔係冇人材，單係史浩克04都大把，好似麥斯美亞、達斯拿、紐斯泰達都有機會係未來核心，只要有個伯樂帶一帶好快成材，今次04換個有豐富歐聯經驗嘅迪馬堤奧，希望佢可以帶隊重上正軌，今晚佢哋主場迎哈化，客隊聯賽作客未贏過，呢3分問題唔大。（周六73，有線61、64、201及203台周日12:30am直播）