卡斯洛達讓主「尼」料 呢期成日聽到有人鬧某某冇腦，係咪言過其詞好難講，但作為領導者冇腦或判斷力低都係致命傷，早兩個星期阿仙奴作客車仔，原來奧斯爾半場已知膝蓋有問題，但雲格及阿仙奴軍醫不以為然，竟然要德國大將踢足90分鐘，最後「大眼仔」返國家隊一照MRI下發現十字韌帶撕裂，至少休戰至1月，阿迷終於明點解過去10年阿仙奴係傷兵榜之首，到執筆一刻雲格仍然為自己辯護，話世盃令到佢啲球員周身傷，又唔見人哋拜仁、車仔有事？ 阿記一場激戰又傷一名大將，嚟緊又到歐聯都唔知點算，而同樣周中有歐戰嘅俄超勁旅辛尼特就會作客卡斯洛達；卡斯洛達話晒有歐霸打，實力唔會太差，辛尼特喺歐聯形勢大好，現時肯定專注歐戰，呢場作客要讓波道理何在，「讓主」穩。（周六21，now671台周日9:00pm直播）