阿仙奴「侯」住開讓主

阿仙奴「侯」住開讓主
 
一早確認飽受FIFA病毒困擾嘅阿仙奴今晚會喺主場迎戰侯城。無疑兵工廠係有幾多傷兵，但前線火力依然強大，加埋侯城防守一向唔多掂，「讓主」依然值捧。（周六29，now622台周六10:00pm直播）

阿仙奴傷兵名單睇落係好長，哥斯尼、奧斯爾、艾朗藍斯、迪保治同基奧特等主力都唔打得，但有指禾確特可以喺今晚候命，有微傷嘅韋碧克亦無礙可以落力，再配合埋阿歷斯山齊士、辛迪卡索拉同韋舒亞都可落場，兵工廠絕對可以做到以攻代守，有埋主場之利讓一球放心捧場。
客軍侯城雖然喺轉會窗前大舉增兵，而賓艾化、迪亞美以及艾保靴南迪斯表現都對辦，只可惜「老虎兵團」防線卻成日累街坊，近5周聯賽有4場波最少失兩球；此外，侯城首席門將麥基哥受傷，要由老將夏柏把關，只會令侯城後防穩健程度進一步下降，大敗失晒3分機會好高。