阿青隊客勝「特」易中 荷乙名牌阿積士青年隊今晚會作客對住靴蒙特。講過好多次阿積士青年隊成績其實係睇一隊放幾多人俾佢哋，睇番阿積士今周荷甲要作客川迪，預期年輕球員上陣機會唔高，即係今晚陣容應會較完整，客勝有分頭值博。再講，主隊靴蒙特近況差到不得了，正式比賽7場不勝，更3周輸晒俾丹保殊、洛達同埋芬洛，加加埋埋失咗7球咁多，近兩周已入7球嘅阿積士青年隊捧得過。（周五5，香港時間周六2:00am開賽） 同時段推介奧斯對FC燕豪芬比賽。奧斯近兩戰連贏泰斯達同馬斯特里赫特，但對家FC燕豪芬賽績仲勁，聯賽6連勝仲要連續5場正式比賽冇失過波，球隊今周仲冇傷冇病可「夫添」出擊，平盤有計。（周五6，香港時間周六2:00am開賽）