捧咸美頓下盤劏「鴨」   蘇超「一哥」登場嘞！各位讀者相信點估都唔估到，依家蘇超一哥竟然唔係些路迪，而係咸美頓？今晚佢哋主場對住鴨巴甸，因往績差而受讓抵玩。（周五20，亞視國際台周六2:45am直播） 咸美頓今季表現真係唔錯，首周主場輸俾恩華尼斯之後就一直保持不敗，當中得6勝2和，包括上輪作客以1:0贏咗班霸些路迪，前線阿里哥羅福、安道奧同埋安東尼古里亞腳風都順到不得了，今晚呢個攻擊鐵三角亦全數可候命，捧得過。客軍鴨巴甸亦造出咗聯賽4場不敗佳績，前線亦有阿當朗尼、葛維尼等腳風極順球員壓陣；但威威睇清楚往績，鴨巴甸今季作客已輸過俾聖莊士東同埋些路迪，上周造訪登地雖然最終贏波，但險勝3:2其實唔算好賽績，作客仲要讓波唔值博。