山度士上盤滿地開「花」

山度士上盤滿地開「花」
 
就算爭唔到聯賽冠軍都可以將目標指向盃賽，好似山度士嘅主場成績拍得住前列隊伍，只係作客成績未能改善先至排到中上游，呢類「主場王」就最適合專攻盃賽，所以嚟到巴西盃嘅半準決賽喺主場迎戰保地花高讓到半、一都唔算過份。（周四6，香港時間周五8:30am開賽）

其實山度士嘅主場成績真係唔差，經過14輪巴甲賽事都攞到30分咁多，比起榜首高士路只係差幾分，只係作客成績麻麻先至搞到排喺中上游；嚟到今場巴西盃半準決賽就更加唔可以睇低佢哋，一嚟呢場波山度士正正就喺主場亮相，估計柏圖、路爾斯法比安，以及米高巴斯圖斯等多位前巴西國腳都會悉數落場幫球隊晉級，二嚟保地花高顧住護級都未必分到身再踢盃賽，左計右計都係穩贏格！再睇埋山度士喺近10場主場賽事入到20球波咁多，就算讓到半、一咁辣吼實上盤最少都可以坐半格望收十足。

美職獨腳戲吼入球細

而較早時間舉行嘅美職就成為咗場「表演賽」，事關主隊侯斯頓戴拿模宣布同季後賽無緣，而新英倫革命就提早晉身季後賽，大可以派吓後備落場谷吓狀態，換言之兩隊波仲有幾多戰意真係好成疑問！戴拿模最頭痛就係首席射手韋爾布恩有傷在身唔出得，想喺主場球迷面前攞番個尾彩都唔係咁易，博冇乜波入吼「細」。（周四4，足智彩周五8:00am網上文字直播）