撐明尼路主場「連」捷 巴甲兩支勁旅明尼路同哥連泰斯會喺聽朝巴西盃8強次回合碰頭。首回合哥連泰斯贏2:0，講真晉級機會都好高，不過明尼路啱啱喺聯賽主場贏到聖保羅，士氣肯定有所提升，唯一擔心係射手迪亞高泰達利始終因幫巴西踢緊國際賽而缺陣，鋒力稍欠單捧主勝會較着數。另一方面，哥連泰斯上場竟作客輸俾尾列保地花高，前線冇咗幫秘魯打緊波嘅荷西古里路明顯死晒火，要主勝。（周三26，香港時間周四9:00am開賽） 另一關揀咗法林明高。佢哋首回合作客都贏到阿美利加納泰，而阿軍近況真係差得緊要，近8戰2和6負；相比之下法林明高聯賽連勝，啱啱仲主場3:0大破高士路，只要唔玩嘢「讓主」應該穩開。（周三27，香港時間周四9:00am開賽）