塞內加爾讓客「突」圍 真係估唔到連非國盃外圍賽都會有直播，不過G組榜首戰突尼西亞對塞內加爾戲碼又確係幾強。兩隊波至今都係2勝1和不敗，但幾日前兩隊對碰塞內加爾主場悶和突尼西亞，今次主客互換表面上自然係突尼西亞有優勢，只係要留意一點，係突國攻力真係唔多掂，近8場比賽加埋只係入過6球咁大把，要讓今屆分組賽一球都未失過嘅塞內加爾1球，「讓客」值捧。（周三17，無綫網絡電視302頻道周四3:15am直播） 早場直播尼日利亞會鬥蘇丹。尼日利亞分組未贏過得1和2負，上輪更係作客輸俾蘇丹，只係睇埋盤，尼日利亞主勝熱到得1.11倍，非洲波咁有信心明顯知佢哋贏硬，「讓主」好穩陣。（周三8，無綫網絡電視301頻道周四12:00am直播）