德國讓主「愛」不釋手

德國讓主「愛」不釋手
 
足壇一哥德國上次喺歐國盃D組外圍賽爆冷輸波，呢個結果當然係可一不可再，所以今晚主場迎戰愛爾蘭，贏波係唯一出路，大捷更可挽回球迷歡心，足智彩開讓球主客和，「讓主」唔「蘭」開。（周二12，有線61及201台周三2:45am直播）

德國上場分組賽意外不敵波蘭0:2，雖然仲有奧斯爾、馬高列奧斯、舒韋恩史迪加同埋基迪拉等人因傷缺陣，但係馬里奧葛斯、湯馬士梅拿、謝路美保定、卻奧斯同埋曉姆斯個個都冇傷冇病可以候命，早前話感冒嘅史浩克04中場達斯拿亦已經痊癒，喺主場出擊可望贏波終止呢期頹勢。
愛爾蘭日前以7球大勝直布羅陀，但由於對手只係半業餘球隊，所以唔能夠作準，連中三元嘅洛杉磯銀河射手羅比堅尼相信亦唔會再有咁多空間發揮，加上愛華頓後衛史密斯高文因傷退隊，是役撼德國難望全身而退，「讓主」無人能阻。

波蘭勢勁讓得起蘇格蘭

D組目前氣勢最盛一定係波蘭，佢哋啱啱先贏咗德國，目前兩戰兩勝排喺小組榜首，今晚喺主場對住蘇格蘭可謂志在必得，只要拜仁慕尼黑射手羅拔利雲度夫斯基演出正常，根本唔使驚客軍，足智彩有讓球盤提供，波蘭讓半球、一球捧上盤。（周二15，香港時間周三2:45am開賽）
同組最弱嘅直布羅陀喺主場出擊，對住格魯吉亞相信都唔會取得零的突破，因為佢哋已經連續兩仗淨負7球，最出名嘅丹尼希堅保咸又因為冇班落而退出國家隊，受讓兩球都勒唔住格魯吉亞開出「讓客」。（周二13，香港時間周三2:45am開賽）