美國讓主大展「洪」圖 周中世界各地國際賽都打到如火如荼，孫公睇完所有戲碼後，決定先推介美國對洪都拉斯比賽。美國上場1:1僅厄瓜多爾，但要注意嗰場其實係當路雲告別戰，令賽事有啲表演賽味道，今戰當路雲唔會落場，丹普西、艾迪杜里、米高巴特利等主力相信會認真好多；至於洪都拉斯上輪對墨西哥完全唔夠打，睇埋今次選人得費古路亞一位歐洲兵，估計只係試陣居多，隨時再大敗。（周二22，香港時間周三8:00am開賽） 加拿大同日會喺新澤西鬥哥倫比亞。加拿大足球水準一向普通，近8場國際賽亦僅贏過牙買加。至於哥倫比亞剛友賽大炒薩爾瓦多，睇今次選人有齊法卡奧、J洛明顯戰意十足，「讓客」好穩陣。（周二24，香港時間周三9:15am開賽）