德軍讓多“愛”唔過

德軍讓多“愛”唔過

世界盃冠軍德國上場在華沙經歷慘痛一戰，○比二不敵波蘭，在歐國盃外圍賽痛失三分，小組跌落第四位，明晨對住排次席嘅愛爾蘭，德軍實在不容再失，奈何球隊受到傷病影響，戰力明顯大打折扣，今場唔好話要重創對手，祇要能夠攞足三分，已經係任務完成。

兩戰兩勝嘅愛爾蘭今場挑戰德國，踢嘅應該靠士氣，因為之前所贏嘅對手，都只係兩支墊底球隊，根本不足為患，今戰作客德國，但求以一分為目標，穩守突擊隨時有意外驚喜。初盤德國硬讓球半，搏愛爾蘭贏盤“德”心應手。

德國有奧斯爾、舒雲斯迪加等多名主力缺陣情況下，進攻與防守都受影響，兩戰只攻入兩球失三球，得不償失，以一支世界盃冠軍球隊、大賽常客嚟講，真係接受唔到囉！既然攻守都有隱憂，唔排除愛爾蘭的確有偷雞機會。

愛爾蘭嘅實力確實冇德國咁平均，但勝在夠爛打兼鬥志十足，今仗明知不及對手強，定必以守為攻，“泊大巴”在所難免，德軍要多次攻陷對手大門未必容易。

推介：德國2:1