河床上盤「舊」調重彈 阿甲今周進入第11輪賽事，一哥河床將會作客紐維爾舊生。河床近排有下滑跡象，連周中阿根廷盃已連和4場，當中同小保加、拉魯斯等全數踢成1:1平手，好在，河床喺周中場波冇用上主力，聽朝如比斯古尼治等主力都可候命，唯一係拉美路富尼斯摩利要坐波監，要讓啱啱主場大敗俾班菲特嘅舊生平、半合理，必捧上盤。（周日27，足智彩周一8:30am網上文字直播） 小保加同日會迎戰羅沙里奧中央。前者近8戰僅1敗，更喺南球盃淘汰今戰對手羅沙里奧中央，當中主場作戰更大勝3:0，就算肯定冇咗中場加高，相信影響都唔會太大，主勝有1.85倍分頭靠得住。（周日22，香港時間周一5:15am開賽）