巴拉福特下盤夠「班」 英甲今晚獨腳戲由班士利對巴拉福特。前者上周雖作客贏到羅奇代爾，但睇番之前主場對米爾頓凱恩斯同史雲頓等強隊都大敗，今戰亦有賴恩威廉斯等傷兵，要讓波唔抵玩。巴拉福特今季一直穩守前列，球隊近4周不敗兼作客贏到米爾頓凱恩斯，配合主力後衛安祖戴維斯亦可復出，讓球盤受讓平、半係「士」日精選。（周日5，無綫網絡電視301頻道周日10:00pm直播） 同日智甲聖地牙哥漫遊者對艾斯賓路拿。漫遊者近3戰全勝入咗9球，加埋喺近8戰6勝主場出擊，更俾到人信心。艾斯賓路拿啱啱盃賽竟大敗俾基路達0:3，後防主力比拿度又繼續坐波監，捧唔過。（周日21，香港時間周一5:00am開賽）