黑山下盤「利」潤十足

黑山下盤「利」潤十足 
 
歐國盃G組外圍賽，兩隊同得4分嘅奧地利以及黑山將會喺今晚分出高低，其中作客嘅黑山擺到明係留力今仗先至出真功夫，受讓半、一絕對有「利」！（周日6，香港時間周一12:00am開賽）
兩隊波喺上輪賽事都係冇咩睇頭，主隊奧地利只係少勝摩爾多瓦，而黑山就直情同列支敦士登踢成平手；不過單睇賽績可能會就咁中伏，事關奧地利幾乎派晒所有正選落場，而黑山就收埋咗射手胡仙歷，預計今晚佢就會以正選身份落場，拍住曼城前鋒祖維迪聯手攻堅，用到呢條星級前鋒線就算係作客都會有球波喺手，受讓半、一都係筍盤。
同組嘅瑞典缺少主力伊巴之後淪落到要用托禾倫去踢正前鋒，不過佢嘅入球量一向偏少，面對近期防守有改善嘅列支敦士登可以博冷吼番次「半和」。（周日14，香港時間周一2:45am開賽）
最後俄羅斯一定會諗盡方法希望喺摩爾多瓦身上攞分，憑主場連開7W嘅強勁走勢開到「-2」都唔會收手。（周日8，香港時間周一12:00am開賽）