西班牙讓三球奪「堡」

西班牙讓三球奪「堡」

西班牙前幾日不敵斯洛伐克，明顯世盃時嘅問題仍未解決，不過佢哋喺歐國外身處嘅C組對手甚弱，要出線唔成問題，呢一輪佢哋作客盧森堡，3分志在必得，而且球隊因應三日兩戰關係，今場肯定作出輪換，隊中一眾年輕球員如祖安班尼特、伊托拉斯比等為爭正選肯定加多兩錢肉緊，為國家隊上陣3次入兩球嘅柏高艾卡沙更有大量表演機會，呢場開「-3」都冇有怕。（周日13，有線61及201台周一2:45am直播）
至於早兩日贏咗西班牙嘅斯洛伐克就會作客白俄羅斯，白俄首兩輪1負1和，似乎呢一組都係陪跑，斯洛伐克兩輪全勝，球隊有咸錫等球員在陣有一定級數，只係作客都唔敢太進取，呢場好有機會客軍小勝開出「讓和」。（周日11，香港時間周一2:45am開賽）
至於烏克蘭上輪輕取白俄，似乎真係作客好過主場，而佢哋呢一戰正正喺主場對馬其頓，對方早已唔係歐洲魚腩，唔敢博烏克蘭會贏，買入球細更穩。 （周日9，香港時間周一2:45am開賽）