塞爾維亞客勝「尼」料  歐國外I組得5隊波竟然有3個出線席位，不過呢組實力都幾平均，葡萄牙首戰輸波下，肯定激發其餘4隊戰意，當中阿美尼亞連輸4場，早前世盃外嘅黑馬感覺唔見晒，而且今場主力米希達利恩缺陣，實力再打7折，塞爾維亞上輪輪空，球隊今仗有大半隊英超兵在陣，實力肯定高阿美尼亞一個級別，客勝在望。（周六33，香港時間周日12:00am開賽） 同組阿爾巴尼亞對丹麥，丹麥首仗贏波，球隊前中後三線平均，如覺得葡萄牙唔掂，丹麥肯定係呢組首名大熱，而阿爾巴尼亞上場爆冷贏葡萄牙，但葡軍上仗冇C朗唔好作準，計實力唔夠丹麥打。（周六40，香港時間周日2:45am開賽）