羅馬尼亞上盤圖「利」

羅馬尼亞上盤圖「利」
 
由於歐洲足協嘅古怪種子制度，先造成F組呢啲離奇組合，成組6隊波之中，只得希臘叫做歐洲二線，其餘羅馬尼亞及匈牙利近年根本冇出席過任何大賽，呢組邊隊出線真係好難講，不過羅馬尼亞上仗有能力擊敗希臘，似乎客軍今場「匈」多吉少。（周六35，有線64及203台周日12:00am直播）
羅馬尼亞近年積極換血，但除咗熱刺後衛基利捷斯，陣中出名球員唔多；之但係球員唔出名唔代表冇實力，呢班新兵夾多兩年下，喺啱啱過去嘅世盃外圍賽都打到附加賽至出局，到歐國盃外圍賽，首戰竟然作客擊敗希臘，雖然希臘都唔係強隊，但始終係呢組嘅實力份子，可以睇得出羅馬尼亞實力唔差；至於匈牙利近年成績每況越下，上仗連對北愛都輸，主隊讓得起半一。
同組希臘都有賽事，佢哋首戰失利急需搶分，但芬蘭首戰贏波，如主場摸和希臘對佢哋出線非常有幫助，呢場隨時死守下，希臘唔擅攻好難袋晒3分。（周六41，香港時間周日2:45am開賽）