土耳其入球細報「捷」

土耳其入球細報「捷」 
 
歐國外A組除咗荷蘭，土耳其同捷克都係名牌，今晚兩隊正面交鋒，睇怕雙方會格外小心，尤其捷克首戰贏咗荷蘭但又冇攻力，呢場肯定擺大巴死守，土耳其就算贏都會贏得辛苦，捧入球細最穩。（周五18，香港時間周六2:45am開賽）
土耳其陣容上幾有星味，艾達杜倫、耶美斯及卡漢奧奴等都在陣，中前場甚有進攻能力，只係球隊上一戰對冰島竟然剩輸0:3，實在令人質疑呢班波嘅合作性。
至於捷克雖然不復當年勇，但球隊總算仍有施治、路斯基等有級數球員在陣，中後場點都有力守得住，而由於今次歐洲國家盃外圍賽，小組首兩名都會直接出線，已有3分在手兼首戰贏荷蘭嘅捷克會打得更守勢，呢場唔好諗捷克有機會入波，土耳其亦好有可能要攻到下半場至得手，入球細相對上幾穩。
至於H組方面，挪威雖已7場不勝，但對上3場敗仗分別不敵意大利、英格蘭及法國，而且佢哋正值改朝換代，陣中未有一個球員代表超過40次，呢班後生仔發揮不穩定實屬正常，而換轉頭佢哋今場對弱旅，贏開亦肯定唔識收，所以今場挪威絕對有可能大炒對手一場，「讓客」可以一試。（周五16，香港時間周六2:45am開賽）