荷蘭讓三球「薩」無赦

荷蘭讓三球「薩」無赦
 
哈薩克強項係踩單車，雖然都係用腳，但講踢波真係差幾皮，今晚對住支兩連敗嘅荷蘭，球隊自從新帥希汀克上任後一場未贏過，呢場波肯定下令大勝振士氣，讓3球咪3球！「讓主」必開。（周五17，有線61、201台周六2:45am直播）
荷蘭由希汀克領軍後竟連輸兩場，幾大元老史奈達、尹佩斯明顯正走下玻，但後起之秀又未有力接棒，呢隊荷蘭都有啲青黃不接感覺。所以今次選人上，希汀克索性選啲新兵試試，當中燕豪芬門將索特、些路迪嘅雲迪積都係初次入選，加埋新星卡拉臣等，唔知對哈薩克有幾多個可以落場呢？不過正因為有班新人加入，啲老嘢都係時候做吓嘢啦！當中尹佩斯喺曼聯狀態唔理想，似乎返到國家隊都會有更大動力爭取入球，加埋重返國家隊嘅艾費利，有佢喺度荷蘭中場線侵略性大增，呢場讓3球我覺得已經少，大家買「讓主」之餘買注「主其他」吧啦！

博冰島僅勝拉脫維亞

同組拉脫維亞對冰島；客軍係列馬倫時代後史上最強代表隊，首戰贏土耳其唔係負碌，單憑前線基菲爾施古臣以及史基賀臣嘅能力，己經可摧毀任何防線，但拉脫維亞主場幾守得，應該小敗1球。（周五15，香港時間周六2:45am開賽）