比利時讓主好「安」全

比利時讓主好「安」全

歐國盃B組出線大熱門比利時會出場，佢哋會喺自己地頭面對魚腩部隊安道爾，考慮到大將夏薩特呢期狀態大勇，有力率領紅魔鬼大開殺戒，足智彩開比利時讓4球，「讓主」照跟夠晒「安」全。（周五11，有線18台周六2:45am直播）
比利時上場友賽輕輕鬆鬆擊敗澳洲，當時仲要收起咗夏薩特同埋盧卡古，可見呢支歐洲紅魔鬼實力深不見底，有鑑於夏薩特最近喺車路士嘅表現好出色，球隊上周擊敗阿仙奴都係靠佢嘅個人突破，預期佢會將良好表現帶到國家隊，而夏薩特嘅車仔隊友泰拔高圖爾斯雖然撞傷個頭，但經檢查後已證實無恙，並準備向國家隊報到。其實比利時除咗夏薩特同埋泰拔高圖爾斯之外，效力熱刺嘅查迪尼喺今屆英超亦大熟大勇，今晚主場出擊，相信會向安道爾大開殺戒，讓4球雖然凶狠咗啲，但「讓主」仍然夠贏。

塞浦路斯受讓着數

同組仲有塞浦路斯主場對以色列比賽，呢隊塞浦路斯絕對唔可以睇小，佢哋喺第一輪分組賽作客爆冷砌低咗波斯尼亞，今次大部份主力全部列陣，加上集中用國內班霸夏普爾班底，喺主場取得連捷唔奇。以色列最近5場正式賽事不勝，2014年亦只係喺友賽贏過洪都拉斯，睇怕好難喺塞浦路斯身上攞着數，作客讓波梗係揀塞軍下盤。（周五13，香港時間周六2:45am開賽）