荷蘭大開“薩”戒

荷蘭大開“薩”戒

荷蘭奪得世界盃季軍後，由軒迪克接替雲戈爾的帥印。可惜“軒帥”帶領球隊後兩戰皆北，包括上場歐國盃外圍賽被捷克完場前絕殺，認真出師不利。明晨展開第二場外圍賽，要爭奪出線資格，對住實力次兩班嘅哈薩克斯坦，“橙衫軍”今仗非勝不可。

哈薩克斯坦在歐洲只屬於四五線球隊，對住歐洲頂級強國，至少差兩三班波，今仗仲要踢作客，恐怕劫數難逃。

“軒帥”執掌橙軍後，先後敗於意大利及捷克腳下，都算威名盡失。為要挽回面子，今仗對住弱旅需要一場大勝沖喜。除世界盃一衆主力，雲佩斯、史奈積達、迪莊及比連特外，上場因傷缺陣嘅洛賓與亨特拉亞已歸隊可以隨時候命。多了呢兩位超級殺手，荷蘭火力肯定加強唔少，只要早段打開缺口，相信入波陸續有來。

哈薩克斯坦陣中球員不但名不經傳，且無一在歐洲大聯賽搵食，質素好極有限，首戰能夠摸和拉脫維亞，都係靠主場之利。今仗要出去見大場面，睇到全場“橙海”一片都已經腳軟。

推介：荷蘭6:0