瑞典密「羅」緊鼓開細

瑞典密「羅」緊鼓開細
 
歐國盃外圍賽G組形勢雖然幾清晰，不過邊兩隊以首次名直接出線就真係要打過至知，當中兩支出線熱門瑞典及俄羅斯將正面交鋒，本來都應該係一場幾好睇嘅賽事，但奈何今戰瑞典神鋒伊巴謙莫域缺陣，瑞典頓失入球能力，而俄羅斯因已有3分扛底，今場作客打和都冇蝕底；鑑於瑞典中場卡士唐爆料指，今戰比賽場地費恩斯體育館塊草地狀況極唔理想，對雙方進攻都打折扣，種種跡象都顯示呢場波好大機會0:0完場，買入球細超穩陣。（周四11，有線63台周五2:45am直播）
同組另一支出線熱門都肯定數到黑山，佢哋首戰擊敗摩爾多瓦全取3分，而佢哋今晚再遇弱旅，面對另一支魚腩列支敦士登，再取3分毫無疑問，呢口「讓客」點走得甩。（周四6，香港時間周五2:45am開賽）
最後奧地利作客摩爾多瓦；摩軍近年已經甚少大敗，而奧地利屬呢組黑馬，陣中有阿拉巴及阿拿奧杜域等列陣，稍嫌鋒線冇咩可靠球員，今場奧地利佔地利優勢，但極可能只小勝收場。（周四8，香港時間周五2:45am開賽）