西班牙讓客「斯」人醒

西班牙讓客「斯」人醒
 
歐國盃外圍賽今晚有衛冕冠軍西班牙出場；近年西班牙打得好與壞，同巴塞打得好唔好有莫大關係，而今次大軍名單中，前中後三線仍以巴塞球員為骨幹，預期球隊又大踢巴塞化足球，再加埋入波唔識停嘅迪亞高哥斯達，呢場睇怕作客斯洛伐克都可以旗開得勝，而主隊首戰險勝烏克蘭令人意外，但始終陣內僅得咸錫及史基泰爾夠級數，佢哋唯一望卡斯拿斯手震出錯，否則連想入球波都難。（周四9，有線64及203台周五2:45am直播）
同組其餘4隊都喺同日開賽，當中首戰輸波嘅烏克蘭將作客白俄羅斯，級數上客軍應該高一班，而且離開戰亂嘅國土話唔定對烏克蘭發揮會更佳，加上佢哋過去3次作客白俄都未輸過，作客平半冇所謂啦！（周四3，香港時間周五2:45am開賽）
最後馬其頓對盧森堡賽事，馬其頓近年進步神速，代表作有擊敗塞爾維亞及威爾斯嘅紀錄，區區一支盧森堡對佢哋根本冇威脅，不過主隊亦非攻力特別強，呢場可能只僅勝一球收工。（周四5，香港時間周五2:45am開賽）