阿仙奴难做“东”

阿仙奴难做“东”

英超踢咗四轮比赛之后，最令人惊喜球队应该係阿士东维拉，除了车路士四全胜之外，维拉取得三胜一和，以不败之身紧守联赛榜第二位，士气与斗志相当旺盛，今晚主场迎战阿仙奴，绝对未惊过呢支大“炮”。周中去完德国打欧冠盃，今晚又要作客战维拉，阿仙奴嚟紧连场激战，就算球员够状态，体能亦未必应付得来，仲要对住烂打见称嘅维拉，睇怕一分亦难保，初盘阿仙奴让半球 / 一球，捧硬维拉抢“仙”三分。睇返数据，维拉都算喺一支神奇球队，四场联赛加埋射中门框其实只得七次，埋门组织能力真係有限，但球队胜在防守够稳健，四场联赛只失一球，证明中后场截击力相当有效率。上场搞到利物浦老鼠拉龟，红军全场只得一次中目标射门，以阿仙奴目前状态的确几难攻破维拉大门。阿仙奴在欧冠盃输畀多蒙特，应该输得心服口服，因为球队整体发挥，和波都唔值。事实上，球队真係踢得太密，每隔三四日就要比赛一场，呢段时间仲要维持到十月尾，呢期要让波嘅阿仙奴实在不宜过于追捧。

推介：阿士东维拉 1:0