畢爾包主勝「薩」無赦 歐聯H組今晚兩場大戰，主菜自然係畢爾包對薩克達。畢爾包日前作客不敵巴塞，但眾所周知主場係佢哋強項，過去15次主場出戰歐洲賽贏8場，加埋蒙尼恩、阿度里斯等主力都可候命，主勝有分頭值捧。客隊薩克達早排幾乎出事，事關烏克蘭局勢緊張，搞到泰些拿等巴西外援全部唔敢歸隊，就算佢哋早前已返嚟報到，但個心相信都係掛住幾時可以轉會居多，邊有心機踢波。（周三12，香港時間周四2:45am開賽） 同組波圖主場會對巴迪。前者今季又重組，但引入基斯甸泰路後實力得以保持，外圍賽輕取里爾晉級唔講得笑；相比下巴迪外圍賽作客贏唔到施洛雲，客場咁水皮難怪波圖初盤熱透，要「讓主」。（周三13，香港時間周四2:45am開賽）