巴黎上盤處心「積」慮 除咗幾場直播戰，今晚歐聯仲有幾場戲碼唔錯比賽，好似阿積士對巴黎聖日耳門咁，一隊係前歐洲霸主，一隊係球壇新貴，只係阿積士近年淪為球星拍賣場，主力一個一個離開，轉會窗前仲走埋戴利白蘭特，真係唔知佢哋憑乜喺歐洲賽場打拼。相反巴黎近年盡收天下兵器，倒戈嘅伊巴、卡雲尼，一對巴西中堅大衛雷斯同堤亞高施華都係現役頂級球員，讓球讓半、一依然合理。（周三8，香港時間周四2:45am開賽） 同時間G組有馬里博爾對士砵亭。馬軍喺外圍賽可淘汰些路迪，主場亦坐擁近10戰8勝佳績；相反士砵亭今季聯賽4戰僅1勝，客場亦已經4場波冇贏過，讓球盤仲要讓半球、一球唔值捧，要下盤。（周三11，香港時間周四2:45am開賽）