羅馬讓主「軍」令如山

时间：2014-09-17 00:00:00 来源：原创

羅馬讓主「軍」令如山 以前俄羅斯球隊喺季初同其他球隊比賽都仲可以屈狀態，可惜依家就冇呢支歌仔唱嘞，偏偏佢哋仲喺歐聯E組分組賽遇到全歐洲準備得最充足嘅羅馬，咩都唔使諗一於「科」買落2.4倍「讓主」

羅馬讓主「軍」令如山

以前俄羅斯球隊喺季初同其他球隊比賽都仲可以屈狀態，可惜依家就冇呢支歌仔唱嘞，偏偏佢哋仲喺歐聯E組分組賽遇到全歐洲準備得最充足嘅羅馬，咩都唔使諗一於「科」買落2.4倍「讓主」！（周三7，有線63台周四2:45am直播）

本身莫斯科中央陸軍有杜姆比亞、迪沙高耶夫，以及蘇蘭托錫等球星壓場都唔可以當係同組魚腩，問題係佢哋好似有些少回落，上個月中先不敵莫斯科斯巴達，之後又輸埋俾魯賓卡山，甚至上仗喺主場對住圖拉兵工廠都係險勝，如果話佢哋為咗歐聯先搞到咁又未免太過攻心計嘞。
至於羅馬喺季初就搞到班球迷睇到唔想睇，事關佢哋係全歐洲準備得最充足嘅球隊之一，隔幾日就踢場友賽谷狀態；其實又難怪羅馬喺季初就谷到咁行，事關教頭魯迪加西亞上季一口氣喺意甲連贏10場拋離過祖雲達斯搞到對方頭都大埋，今季擺明居馬係想重施故技喺季初就係咁搶分，總之季初點都要睇實佢哋！當然亦唔好睇漏今季羅馬比起上季更強，雖然中堅貝拿迪亞已經遠走拜仁，但係同時獲得艾殊利高爾，而最特別一點係佢哋買入文奴拿斯，幾乎砌到成條希臘防線，後面夠晒穩陣，前面憑住謝雲奴、迪斯度，同埋老臣子托迪搵食夠開「讓主」嚇吓同組嘅拜仁同埋曼城

标签：

美图画报

羅馬讓主「軍」令如山

本站声明