波爾多平手盤執「甘」 執筆時正值阿仙奴對曼城開波，講真易搏贏都算半個阿仙奴球迷，見到隊波咁樣真係得啖笑；曾幾何時阿迷不斷恥笑曼聯韋碧克，話佢底線插花出界，點知一個屈尾十以1,600萬轉投阿仙奴，成班阿迷開頭都唔表態，到韋碧克突然國際賽入兩球，就全世界話曼聯平放韋大帝走寶，如果過多兩場波韋大帝又醜態畢露，球迷又點講呢？ 其實阿仙奴真係唔少兵用架，連文員迪亞比都已經喺預備組復出，但現時中場人滿，不如迪亞比返法甲啦！而現時排榜首嘅波爾多都係唔錯選擇，首先呢班波早兩屆已喺啲本土盃賽打番起，陣中又有洛蘭及迪亞比迪等新星，重點係，波爾多一季唔多賽事打，迪亞比咪冇咁易傷囉，想睇吓板先亦得，今晚波爾多作客甘岡，平手盤坐走望贏！（周日42，無綫網絡電視302頻道11:00pm直播）