國米讓主「薩」無赦   呢個年代講求男女平等，但似乎仍有好多人唔明白，好似皇馬教頭安察洛堤，喺日前對馬體會嘅記招上面，為咗幫對手辯護認為佢哋冇踢殺傷足球，竟然用足球唔係小女孩遊戲做比喻，結果咪俾當地團體炮轟囉，所以學劉青雲話齋，做人冇公關真係好大鑊架。 今晚心水係國米，咪睇佢哋有維迪要停賽，實情呢位前曼聯隊長仲未適應意甲風格，今晚唔落場未必有害；再講，國米除咗維迪差唔多齊章，相反薩斯索羅就有後衛保羅簡拿華路、維沙積高、比安高同門將柏高奴缺陣，後面有排輸。（周日32，無綫網絡電視9:00pm網上文字直播）