安曼主勝「特」飛猛進 荷乙今晚只安排3場賽事，當中安曼對靴蒙特一戰似乎分到高低；安曼開季2勝2和，兩場勝仗分別大炒芬洛及燕豪芬青年隊，入球能力值得信賴，而最緊要係佢哋冇傷冇病，卡斯彼德斯、賓歷克同奧利積夫都可落場，攻擊力唔需要懷疑；靴蒙特開咧只有5個入波，現排尾4似乎已反映一切，今場因應作客更蝕章，主勝可作全晚重心。（周五6，香港時間周六2:00am開賽） 至於馬斯特里赫特對芬洛；芬洛極之海鮮波，上場竟然主場大敗出乎意料之外，不過佢哋始終開季已取得3勝，當中擊敗過奧斯等實力唔會太差，而馬斯特里赫特今季主場只贏過燕豪芬青年隊，似乎都唔係太值得信賴。（周五7，香港時間周六2:00am開賽）