賓菲加「圖」謀開讓和

賓菲加「圖」謀開讓和 
 
季初講過葡超勁旅賓菲加幾乎將全隊正選賣晒，今季好難睇好佢哋，但事實係賓菲加今季頭4場波取得2勝2和未算太差，而且真係睇過佢哋演出，幾名新人好似艾利素融入球隊速度都算快，睇嚟呢隊賓菲加今季再「跌Watt」都好，喺級數本身唔高嘅葡超仍有絕對競爭力。至於塞圖巴爾開季只贏過基維辛特，作客稍強對手里奧艾維即輸0:2；此外，佢哋喺近4年主場對戰賓菲加全敗，都無謂同數據鬥氣，不過估賓菲加作客都係贏1粒機會高，捧3.15倍「讓和」好過。（周五19，有線155台周六3:30am直播）

至於西甲都有早場上演，艾美利亞上季唔死得又執身彩，但上場輸俾基達菲後，今季仍然未能打開勝門，似乎又係全力護級嘅一季；而科爾多瓦雖為升班馬，但早前對皇馬一戰有板有眼，果然上仗對切爾達都唔使輸，呢一場好可能出現和局。（周五18，香港時間周六3:00am開賽）
挪超方面都有賽事，傳統勁旅洛辛堡連贏薩普斯堡同維京，更場場入兩粒，似乎已經打番出應有水準，不過今場客隊波杜基林特都唔好惹，因為佢哋都已經4場不敗，呢場雙方互轟捧入球大好過。（周五4，香港時間周六1:00am開賽）