里昂上盤「納」入正軌

里昂上盤「納」入正軌
 
終於捱過呢個爆到癲嘅國際賽周，到周五返到聯賽希望可以多番啲正路賽果；當中打頭陣嘅例牌都係法國波，今晚法甲里昂對摩納哥大戰值得一睇，留意摩納哥今季星散，里昂保持陣容完整又有主場之利，點計平、半都讓得起。（周五17，無綫網絡電視302頻道周六2:30am直播）

千萬唔好以為摩納哥仲係上年嗰隊，佢哋賣走占士洛迪古斯，借走法卡奧，連本帶利起碼有成億歐羅落袋，但暑假一個似樣收購都冇，明顯又係第二隊馬拉加；而現時佢哋陣中得番摩天奴同貝碧托夫叫做有啲睇頭，其餘卡華奴等係有級數，但跑兩步都冇氣情況下，首戰已經紅牌出場，而摩納哥到現時只取得一勝，都已經反映佢哋今季係咁先。當然如果只睇表面賽績，里昂都只係得一勝，不過佢哋今季保得住拿卡錫迪及加連尼亞兩個法國國腳，好肯定打番上嚟只係時間問題，所以今場捧主隊絕對有原因。
至於法乙方面今晚都齊腳，上季已經打到差唔多升班嘅迪安，今季果然唔死心要再博命，5戰過後已取得3勝2和排第2位，佢哋上季係輸波第3少球隊，今季防守進一步加強只失咗3球，不過佢哋今晚都唔係穩勝，因為對手尼奧特5戰只失兩球一樣未輸過，呢場都唔需要考慮必買入球細！（周五12，香港時間周六2:00am開賽）
另外尼姆開季一樣冇輸過，而且開季3場主場已經入咗7球，不過同時間都失咗6球先至成績麻麻，不過咁亦反映佢哋喺主場好放心搶攻，而對手比斯特乘上場贏波氣勢都唔會太保守，轉吼入球大。（周五13，香港時間周六2:00am開賽）