再捧波爾圖

再捧波爾圖

葡超勁旅波爾圖在歐冠盃附加賽出師得“利”，以一球戰勝法甲球隊里爾。明晨返到自己威力無比嘅火龍球場，有望再下一城，兩回合雙殺里爾，昂然殺入歐冠分組賽。

里爾今戰背城借一，許勝不許和，必向對手策動攻勢。奈何火力有限，要攻破波爾圖穩健防線又談何容易。焗搏形勢下，波爾圖更可乘虛而入。初盤波爾圖讓半球／一球，捧波爾圖收少半個盤都唔肯。

葡超勁旅開季三戰三勝，攻入四球之餘仍保持零失球，攻守皆有保證。上季葡超神射手積遜馬天尼斯繼續保持入球效率，新加盟嘅泰路、恩迪及卡斯米路三位九○後小將亦有出色表現，果然屬於潛質股。實力上，波爾圖比上季係有增無減，主場再對住實力一般嘅里爾，贏波應該輕而易舉。

里爾在首回合的確佔唔到優勢，尤其開波初段，更被波爾圖反客為主，只靠零星攻勢，根本難以威脅波爾圖大門，可以話輸經驗又輸質素。由於落後一球，今仗既要守又要攻，簡直係進退兩難，翻盤機會唔大。

推介：2:0