曼城“浦”得起

曼城“浦”得起

明晨英超上演第二輪壓軸重頭戲，上季冠亞軍，曼城與利物浦狹路相逢，雙方誓必爭取兩連勝。

藍月亮既有天時地利人和，兼人腳齊整，前中後三線較為平均，只要今仗踢出水準，應可睇高些少。

紅軍上季奮勇向前，踢到離奪標只差一步，可惜季尾最後關頭脫腳，最終只能屈居曼城之下。今季捲土重來，由於兼要應付歐戰，開季經已不斷招兵買馬，只不過球員級數方面的確見仁見智，與曼城相比似乎未夠份量。今戰硬撼曼城，睇怕難有作為。初盤曼城讓半球／一球，捧藍月亮可分“紅利”。

曼城失利社區盾後，英超首戰隨即排出強陣，以兩球輕取紐卡素，球員發揮相當對辦，連後備登場嘅阿古路亦取得士哥，整體狀態不成問題。以上季聯賽主場十七勝一和一負，攻入六十三球，只失十三球絕佳戰績，確有信心殺退紅軍。

紅軍首仗險勝修咸頓，稍嫌氣勢不足，進攻欠缺流暢度，防守失誤亦唔少，反映新舊球員之間默契配合仍需時磨合，要挑戰曼城似乎未到時候。

推介：曼城3:1