皇馬夠大“體”

皇馬夠大“體”

睇完首輪英超後，好波陸續有來，明晨有歐冠盃外圍賽，跟住有西班牙超級盃。歐冠盃當然跟貼阿仙奴，對手係土耳其球隊比錫達斯，唔好以為阿仙奴十拿九穩，作客土耳其已經係一個難關，加上比錫達斯上圈雙殺荷甲勁旅飛燕諾，證明並非善男信女。阿仙奴主場贏水晶宮都贏得咁辛苦，球員狀態實在太過飄忽，初盤要讓主隊半球/一球，根本讓唔起，寧捧東道主可得“仙”機。

跟住上演“星”球大戰，皇家馬德里對馬德里體育會，踢西班牙超級盃首回合，兩隊星光熠熠，球員身價加埋簡直天文數字。都係講返場波，皇馬在歐洲超霸盃輕取西維爾，“同花順”威力勁到冇朋友，今戰主場出擊勢要先拔頭籌，初盤讓馬體會一球，超強火力，一球波應該冇問題，博皇馬最少贏兩球或以上。

馬體會今季大肆擴軍，前前後後簽入九名新援，整體實力依然強橫，仍具足夠戰力與兩大豪門爭霸，問題係球員短期內需經磨合，及適應施蒙尼嘅戰術踢法，今仗實在不宜睇好。

推介：比錫達斯1:0；

 皇家馬德里2:0