专家拆局：曼联作客特醒大反击

曼联作客特醒大反击韦斯咸Set定双炮偷袭今晚英超话题之战，曾被「红魔鬼」嫌弃嘅莫耶斯带领韦斯咸主场迎战曼联。韦斯咸联赛3连胜，已经杀上第5位，比少赛1场嘅曼联仲高4位，今场再赢曼联的话，莫耶斯就真係威威。不过曼联今季联赛作客豪取4连胜，气势绝对唔输畀韦斯咸，今场好大机会出现斗攻场面，中位数2.5球入球大好路。韦斯咸上周联赛主场以2比1击败阿士东维拉，自2019年5月以来，首次取得联赛3连胜，造就「锤仔帮」领队莫耶斯今场决战曼联成为一大焦点。讲真，「莫天才

曼联作客特醒大反击

韦斯咸Set定双炮偷袭

今晚英超话题之战，曾被「红魔鬼」嫌弃嘅莫耶斯带领韦斯咸主场迎战曼联。韦斯咸联赛3连胜，已经杀上第5位，比少赛1场嘅曼联仲高4位，今场再赢曼联的话，莫耶斯就真係威威。不过曼联今季联赛作客豪取4连胜，气势绝对唔输畀韦斯咸，今场好大机会出现斗攻场面，中位数2.5球入球大好路。

韦斯咸上周联赛主场以2比1击败阿士东维拉，自2019年5月以来，首次取得联赛3连胜，造就「锤仔帮」领队莫耶斯今场决战曼联成为一大焦点。讲真，「莫天才」带波就真係唔算叻，但趁队波走势当旺，再赢埋旧东家曼联的话，就真係抵佢牙擦。

莫耶斯教韦斯咸，继续用其最耍家嘅防反战术，上季中加盟嘅23岁前锋查洛保云表现出色，喺击败维拉一役贡献1传1射，表现抢镜。莫耶斯嘅战术体系，点都要用番个撞得嘅前锋，30岁嘅米查利安东尼奥就啱晒佢心水。安东尼奥虽然技术平平，但胜在不停走位够晒勤力，利用身体质素及速度，喺球队反击时作用甚大，今季佢已经射入3球，今场随时又有斩获，事关曼联队长哈利马古尼及域陀连迪路夫出晒名转身慢，米查利安东尼奥随时可以喺佢哋身上搵到着数。

红魔鬼防线甩漏未解决

曼联今季作客成绩超劲，联赛作客4连胜，不过值得留意係「红魔鬼」全部都係落后下反胜，反映佢哋防守唔集中，领队苏斯克查仲未谂到办法解决，今场要保不失唔容易。可幸係曼联攻击力不俗，葡萄牙进攻中场般奴费南迪斯4场作客均有士哥，佢喺云迪碧克上阵时获得解放，可以更放心进攻，加上老将卡云尼无论踢正选抑或后备皆宜，即使今场拉舒福特膊头有伤未必出得，仍然够本钱同韦斯咸斗攻，2.5球入球大抵玩。

此文章内的所有观点和内容皆为作者个人意见，并不代表999体育观点；文章所示的任何数据和资料仅供合法中国体育彩票参考及交流之用。

任何公司或自媒体如需转载，请标注“转载自999体育”，严厉打击任何抄袭行为，我们将保留法律追究的权利！